|
الثلاثاء، نوفمبر 04، 2008
20:30
|
|||||
 |
|||||
|
رغم اني كنت اتخذت (بيني و بين روحي) قراري بش ننقطع ع التدوين جرة عباد ما تحشمش على ارواحها كيف ما قال بالملوان (كنا تفاهمنا على مصطلح ما خير لكن ما نعرفش عليه علاش ما استعملوش رغم اللي وعدني انو يحطو على لساني) في تدوينتو [إلى المدونين المضربين عن العمل]... و كنت انقطعت فعلا عن التدوين و المدونات (و حطيت هذا في التركينة اللي ع اليمين متاع خواطر و تبربيشات و مشكورين كل من حمة اللي كان يعلق عندي تحت اسم طرزان و الدوعاجي و وفاق و كل مين سأل على أسباب انقطاعي و اختفائي الفجئي و الغريب) و حتى عن متابعة أجواء البلوغسفير ... إلا اني و الحق متاع ربي ما نجمتش نقعد مختفي في النهار الفضيل هذا لذا، و تضامنا مع بقية المدونين فأني نحط الشعار متاع حملة اليوم الوطني من أجل حرية التعبير... و زيد انا بطبيعتي نموت عليهم الحملات هاذم متاع حط شعار و اتعدّى، يذكروني بالحكمة اللي تقول أنو الشنقة مع الجماعة خلاعة.
و عن قريب إن شاء الله تو نرجعلكم في سلسلة تدوينات جديدة... لكن قبل هذا، و بما انو نهار متاع حرية التدوين فإني بش نترك لنفسي حرية التعبير عن مشاعري للشخص اللي كان سبب في طيران "النفحة" (اللي مازالت ما رجعتش بين قوسين) و كيف كيف نترك لنفسي حرية اختيار التوقيت اللي نراه صالح لتدوين تلك المشاعر على صفحات المدونة هذي... و بذلك نعتبر روحي استغليت النهار هذا كيف ما يلزم. ملاحظة: رجوعي زادة كان ماخذة خاطر في برشا عباد عزاز عليّ... ما انحبش نسمّيهم تو اما يعرفوا ارواحهم... إلى لقاء قريب إن شاء الله |
|||||
|
|
قريتها: | ||||
|
مشاركة هذه التدوينة:
|
|||||
الاشتراك في:
تعليقات الرسالة (Atom)
نوّرت البلوقسفار :) بلاصتك ما أخيبها ........صحّة ليهم العباد اللي عزاز عليك ;)
اليوم تأكّدت أنّك راجل و سيد الرّجال
مرحبا يا برباش و سيّب عليك من الأوباش
بلاصتك وحدها
الي يبربش وراك ما عندو وين يوصل
ما ننساش وقفتك معايا
هيّا مرحبا....و لا للعباد إلّي ما تحشمش على رواحها كان باش يحجبولنا البرباش
kelma tla5ass wééééééééééééééééééééééééééééééééééééééééééééééééééééééééééééééééééééé walaw hia twila chwaya lol ^^
عودة ميمونة يا برباش خويا بلاصتك فارغة .
Chnoua? barbchouk ye5i karrazt et tas arrete a nous inspirer avec tes histoires?
Aya yezzi midlel warja3 :)))
الصبر و الدوام ينقبو الرخام..... مرحبا برباش و حضورك كان ضروري في هالراغلة.
Youppiiiiiiiiiiiii, Hourraaaaaaaaaaaaaa, Halelluuuuuuuujaaaaaaa, wééééééééééééééééé ( comme a dit sœurette).
Je suis contente pour ton retour, je ne sais pas si je dois te féliciter ou te remercier :-)))))
خويا البرباش
الفرنسيس يقولوا
la caravane passe, les chiens aboient
أنا ما سمعتش جملة بتفاضيل الحكاية الي لمٌحتلها ... أما الي نعرفوا أني خسرت أكثر تدوينات كنت عامل عليهم كيف
نستناو فيم باش ترجعلنا في أقرب وقت
خويا برباش بداية مرحبا بيك مرة أخرى
والله ما تعرف قداكش عزيز علينا
و ما ذابينا ما عادش تغيب ما كانش والله نهبطلك بالذمة و نحطك تكتب حاجة قدام الأرديناتور بالسيف
و كانك على السيد اللي تحكي عليه و هاني طلعت ما فيباليش بالحكاية من أصلو
ما شي في بالي مرتح من التدوين و برا
السيد هذا عندي كان بيت للمتنبي بش نقولهولو
لو كل كلب عوا لقمتة حجرا
لاصبح الصخر مثقالا بدينار
و أرجعنا فيسع عاد
3awda maymouna Barbach ma t7ut chay fi 5atrek haw 5bar bahi nhar 04/11...
hal enhar ess3yd
wérériiiiiiiiiiiiiiiiiiiii!!!
:p marhba bik et bon retour
enchala enaf7a tarja3lek 3an 9rib ya barbech ya béhi
في بالي أنا دلولة يخي طلعت انت دلول أكثر مني هههه
رجوعك يفرحني برشة، واتوحّشت تبربيشاتك، يا أحسن برباش في العالم...
خويا بريبش ... مرحبا بيك ...
ما حطيتش الي قتلي عليه فالتدوينة و تراجعت في اخر لحضة خاطر احنا أرفع ببرشا من مستوى هداكا ... و كيما قال الشاعر:
لا تأسفنا على غدر الزمان لا طال ما
رقصت على جثث الأسود كلاب
لا تحسبنا برقصها تعلوا على أسيادها
تبقا الأسود أسود والكلاب كلاب
تكونشي تحكي عليا في "العباد العزاز عليك" ؟؟؟ ههههههههههههههههههههههههه
بلاصتك خايبة يا خويا هيا فيسع أرجعلنا
coucou barbech
tu vois tout le monde est content de te retrouver toi et tes écrits
ena je ne veux pas ke tu sois vexé, ni toi ni le contre partie , ce ne sont que des pseudos , barbech,exquiza ect....laisse les autres dire ce kil veule , aprés tout ce n est qu un opignon et puis tu as tes amis , tes admirateurs même :) si dans 1000lecteurs , un te critique laisse parler,il ne parle pas à med mais a barbech c e est différent:)
ecrite te fait plaisir et nous fait plus plaisir
alors stp laisse tomber les miettes!!
bon retour amigo :)
يا خويا وينك؟؟ لا طلّ ولا كعِيب غلّة؟؟؟ أيّ الحمدلّله أنت لابأس!! نستنّاوك يا بابا، برك ما الطّولشي الغيبة
assléma w mar7bé bik men jdid
:) inchallah tarja3 3ala 9rib
مشكورين على طلتكم، فرحتكم برجوعي ما تتصوروش قداش خلاتني نتوحش التدوين و ايامو
@ أرابيكا: صحة عليهم
@ ولاّدة: مكسبنا الكلمة في هـ الدنيا، كان ما نكونوش قدها... فعليها السلام
@ رمضان: سيبتهم و راس خويا العزيز، نعرف اللي ما عندو وين يوصل، و أنا اللي حاجتي بيه وصلتلو... ههههههه
@ الدوعاجي: مرحبا بيك... لا و ألف لا
@ شادوو: كلمة تلخص... الله يخليك.
@ ابو ناظم: حتى بلاصتك ما عندك ما تقول فيها يا بابا
@ بشبوش: ماهوش دلال، تكريز كيف ما قلت انتي
@ ازواو: حضورنا الكل ملزوم، المدونين لبعضها
@ اللص ديناري: ربي يفضلك، نعرف... اتنجم تقول الزوز
@ القوفرنور: جملة جملة، هههههه... هيا هاني راجع
@ الشنفرة: لا يا خويا، كل شي بالسيف كان التدوين بالكيف راهو
@ وليد: اهلا بيك، ماني حاطط شي هذاكة علاش بش نرجع
@ مريومة: رحعت، على كلامك الباهي رجعت
@ هناني: ماهوش دلال، أما لو كان بش يكون سبب في أنو يفرحك سميه كيف ما تحب
@ بالملوان: أي نحكي عليك انتي بالذات، ماك تعرف... ههههههه
@ اكسكيزا: الله يخليك و يفضلك
اما كيفاش تقول انو ماهوش يحكي مع محمد (اللي هو انا) و إنما يحكي مع البرباش في وقت اللي هو حكى ع العباد حسب الشخصيات الواقعية متاعهم مش الافتراضية، ماهو يا إما الكل ابيض يا إما الكل أسود
@ باج: تي هاني جاي... لحظة برك
@ أفر***: عن قريب إن شاء الله
ya barbech billehi qu est ce que s est passe?
l autre fois une histoire avec dianamagazine je n ai rien compris et cette fois une autre histoire avec toi
stp expliques moi un peu bech nmout bech na3ref ech sar?
ما تبطاش عاد :)
عسلامة خويا بريبش
تعرف خليك ديما على طبيعتك و ما تخلي حد من أصحاب النفوس المريضة يأثر عليك
انحب المعنويات ديما عاليا الي سكنها راحل ياراجل و ربي يهدي الناس
و أرجع الى سابق عهدك
أختك التونسية وراسي عالي
إرسال تعليق