هيّا بنا... نلعب
الاثنين، أبريل 20، 2009 23:31



تجاوبا مع العزيزة ولاّدة... هاني بش نلعب... وحدي... قدّام داري... هههههههههه

خمس هدايا أتمنّى الحصول عليها
  1. كيف كنت صغير... كانت المهبة متاع العيد، يعتبر قبولها عيب كبير، ما نعرفش علاش، هكاكة سنسونا... لو كان ترجع بيّ الأيام، نتمنّى يعرضوا عليّ المهبة و نقبلها
  2. كعبة الكلوروفيل اللي كنت دايما ما ناخذها من عند إيناس الله يرحمها.
  3. بوسة بالأحضان من عند طفلة صغيرة... يعجبوني الصغار و خاصة منهم البنات
  4. أي حاجة مهما تكون، لكن المهم انو اللي هداهالي يكون خمّم فيّ و هو يشريلي او يصنعلي فيها
  5. ...

خمس إجراءات أتّخذها لو كنتُ رئيس دولة


  1. نصحح لروحي في الرخصة متاع البناء متاعي... و دار جارتي متاع الكلاب، نهدها و نردها حديقة عمومية بش داري تولّي تطل على حديقة عمومية) و نكمّل نهد دار جاري اللي مقابلني (شماتة و برّه.. بش داري تولّي تطل مباشرة ع الكيّاس الرئيسي)... و نبني الدويرة متاعي
  2. نقتل جارتي متاع الكلاب... إعدام بدون محاكمة
  3. ندك ولد جارتي متاع الكلاب في الحبس... مؤبّد... و نزيد نوصّي عليه يحطّوه في زنزانة خاصة بالمثليين و نوصّيهم كل مين يستفعل فيه عشرة مرات فرد نهار، ينقصولو شهر م العقوبة متاعو... ههههههههه
  4. نحط الكاتب العام متاع البلدية متاعنا في الحبس... هوما يكفي انهم يبربشوا وراه تو يلقاو هموم زرقاء، يعديولوا شطر عمرو محاكمة و البقية حبس...
  5. نستقيل... بعد ما نضمن انو بش يتم السهر على تنفيذ ما ورد بالأربع نقاط اللي فاتوا بكل عناية... و نركش في دويرتي (اللي على يمينها حديقة و مقابلها كيّاس رئيسي، بالطبع ما نستقيل كان ما نقبض ما يمكنني بش نبني الدار متاعي كيف ما نحب و نشتهي، الله أعلم الرئيس قدّاش يقبض، و السلعة و اليد العاملة قداش تتكلّف)

السياسة ليها امّاليها... و انا الدّولاب هذا و الحق يقال خاطيني جملة و تفصيلا...

خمسة أشخاص أتمنّى أن أضربهم

  1. جارتي متاع الكلاب
  2. ولد جارتي... كريتلو مرة جماعة اعطاوه طريحة... لكن ماذا بيّ ياخوها من يديّ
  3. الكاتب العام متاع البلدية متاعنا.
  4. ثمة معلّم كلالي قلبي بالمسبط مرة، على قصيدة متاع شعر كتبتها فيه... رغم احترامي و تقديري لسنو لكن لو كان انحي العوامل هذي الكل و نحطها على جنب، قلبي مازال لتو مغلغل عليه و لو كان نلقى فيه الضربة ما نسلّمش
  5. اللي عدّالي الكوندويت المرتين الأولين... المرة الثانية طيّحني ظلم

خمسة أشخاص أتمنّى العيش معهم
  1. طفلة تكون بنت حلال و تهنّي
  2. ولد... يكون قد المسؤولية
  3. بنيّة... تعز والديها و تحطهم بين عيناها
  4. أمّي... نحطها بين عينيّ في كبرتها
  5. بابا... نتولهى بيه و يرتاح، يزّيه ما خدم علينا

خمسة أشياء أفعلها لو علمت أنّي سأموت غدا
  1. نقتل جارتي و نرتّح الناس من شرها... انا ميّت ميّت
  2. نتعلّم كيفاش نصلّي و نعمل ركعتين
  3. نطلب السماح من بابا و أمي و نجيب رؤى بنت اختي تعدّي بحذايا الليلة
  4. نقعد الليلة نخمم كان ثمة شكون يسالني حويجة نشوف كيفاش نوصّي يرجعوهالو
  5. نعطي كلمات السر متاعي الكل لواحد م الأصحاب... و نوصّيه يواصل المسيرة من بعدي

ما استدعاني حد... و ما نستدعى حد.
قريتها:
مشاركة هذه التدوينة:
E-Mail Facebook Twitter Blog Buzz
تعليق bent 3ayla ... 		 

برباااااش امان العباد الكل تسال عليك. تي ارجع يا ولدي.
ايا يعطيها الصحة منية اللي كانت سبب ف ها التدوينة. اما انت قلبك معبي عليها جارتك. تي ايجا نلقاولها بعض العملة
الثلاثاء, أبريل 21, 2009 12:46:00 ص

تعليق Bej ... 		 

Welcome back Barbech! We missed you!
الثلاثاء, أبريل 21, 2009 9:37:00 ص

تعليق bent 3ayla ... 		 

:)))
هيا بنا نلعب... هيا بنا نلعب بتعت الاطفال! هههه وحدك
الثلاثاء, أبريل 21, 2009 1:14:00 م

تعليق AntikoR ... 		 

يا برباش .. خوذها من عندي نصيحة .. ما ننصحكش تسكن منّك للنهج الرئيسي.. ما تحلمش بحاجة هكّة راك تندم.. كونشي إذا ناوي تحلّ بيتزاريّا و باتيسري ..
الثلاثاء, أبريل 21, 2009 4:39:00 م

تعليق البرباش ... 		 

@ بنت عايلة: هاني رجعت...

@ باج: أي ميس يو توو... و الله

@ أنتيكور: ما ناوي حتى شي يا خويا... اما فقط شماتة في جاري...
الأربعاء, أبريل 22, 2009 1:01:00 ص

إرسال تعليق



الاشتراك في: تعليقات الرسالة (Atom)