|
الجمعة، يوليو 03، 2009
21:04
|
|||||
|
|
 |
||||
|
دخل للحانوت، يلقاني في خليقتو... بنبرة كلها تربية و فيناس استأذن في الكلام و قاللي: بالله وقتكم في الصّيف كيفاش؟ قلتلو: و الله خاطيني خويا، جاي نعمل في طلّة و برّه بالصدفة متعدّي صانع ما بيناتنا، شدّو من يدّو بكل لطف و قاللو: خويا بالله وقتكم في الصيف كيفاش؟ اتلفتلو الصانع و بصوت أجش يحمل في طياتو بعض الإحترام المصطنع جاوبو: صانصينيك  اتطرشقت بالضحك و انا نغزرلو كيفاش عينيه قعدوا مرشوقين في الصانع باهت فيه، و بنبرة كلها دهشةسألني: شنوة معناها هذي؟ قلتلو: معنتها سيــونس أونيك قاللي: آاااه.. إي وي منها اتلفّت للصانع و عاود سألو: أي، وقتاش اتكملوا؟ جاوبو: التسعة وخّر فرد توخيرة م الفجعة، قبل ما يعاود يسألو: وووه، امالا وقتاش تبداو؟ قاللو: نبداو السبعة... م السبعة متاع الصباح للتسعة متاع الليل على فرد نفس و بلع ريقو قبل ما يكمّل يقوللو: هذاكة الصانصينيك متاعنا في الصيف و مشي و خلاّه... |
|||||
|
|
قريتها: | ||||
|
مشاركة هذه التدوينة:
|
|||||
الاشتراك في:
تعليقات الرسالة (Atom)
:) Après tout ça reste séance unique le pauvre puisque 3ala fard jneb! Wa7dek yé berbech tu réussi tjs à nous arracher un sourire même qd on n'a pas envie de sourire!
هههههههههههه
مالا كان جاو يخدمو وقتين كيفاش تطلع لحكايه ؟؟؟
شكرا برباش عل إحدى اهم مظاهر الإستغلال في بلادنا ...
تحياتي
@ الروح البدائية: مادام على فرد جنب، معنتها هذاكة هو السيستام متاع الحصة الواحدة.
لا شكر، هي فقط محاولة و سعيد جدا أني نجحت ع الأقل في اقتلاع ابتسامة.
@ هشوش: صبح و ليل... ليل و صبح
الله غالب، هذاكة واقع: كان عجبك و إلا طيّر ڤرنك... سلام
إرسال تعليق